Қазақстандық теннисші Бейжіңдегі турнирдің екінші айналымына өте алмады

Қазақстандық теннисші Александр Бублик Бейжіңде (Қытай) өтіп жатқан турнирдің екінші айналымына өте алмады, деп хабарлайды Prosports.kz.

Турнирдің бірінші айналымында қазақстандық теннисші италиялық Флавио Коболлиден 6:4, 1:6, 6:7 есебімен жеңіліп қалды.

Матч 2 сағат 6 минутқа созылды.

Еске сала кетейік, Бейжіңдегі турнир 26 қыркүйек пен 2 қазан аралығында өтіп жатыр. Турнирдің жүлде қоры – 3 720 165 долларды құрайды. Жарыстың қазіргі жеңімпазы – Янник Синнер.