Қазақстандық теннисші Португалиядағы турнирде жеңілді

Қазақстандық теннисші Тимофей Скатов Лиссабонда өтіп жатқан «Челленджер» турнирінде алғашқы кездесуін өткізді, деп хабарлайды Prosports.kz.

Тимофей үш сетте жергілікті спортшы Фредерик Феррейра Сильвадан (әлемнің 487-ші ракеткасы) 6:4, 2:6, 2:6 есебімен ұтылды. Ойын екі сағат 38 минутқа созылып, турнирдің 1/16 финалдық кезеңінде өтті.

Айта кетейік, 23 жастағы Скатов қазір ATP (Кәсіпқой теннисшілер қауымдастығы) әлемдік рейтингінде 195-ші орында тұр.