Қазақстандық теннисші Хуахиндегі турнирдің жұптық сынында финалға шықты

Қазақстандық Анна Данилина мен ресейлік Ирина Хромачева Хуахин қаласында өтіп жатқан WTA 250 турнирінің финалына шықты, деп хабарлайды Prosports.kz.

Турнирдің жартылай финалдық кездесуінде теннисшілер М.Брукс (Ұлыбритания)/А.Барнетт (Ұлыбритания) жұбын жеңді.

Матч 6:2, 6:3 есебімен аяқталды.

Кездесу 1 сағат 5 минутқа созылды.

Шешуші кездесуде Қазақстан-Ресей дуэті Джудис Чонг (Гонконг) - Моюка Учидзима (Жапония) жұбымен кездеседі.