Қазақстандық боксшы WBC рейтингінің үздік 15-іне енді

Дүниежүзілік бокс кеңесі (WBC) барлық салмақ дәрежесіндегі боксшылардың рейтингінің жаңартылған нұсқасын жариялады, деп хабарлайды Prosports.kz.

Назарларыңызға Қазақстан боксшыларының ұстанымдарын ұсынамыз:

Аса ауыр салмақта 27-орында тұрған Жан Кособуцкий рейтингтен шықты. Иван Дычко екі сатыға көтеріліп, 31-орынға тұрақтады.

Жартылай ауыр салмақта Бекзад Нұрдәулетов бір саты төмен жылжып, 27-орынға тұрақтады.

Екінші орта салмақта Әли Ахмедов 16-орыннан 13-орынға көтерілді. Бек Нұрмағанбет 33-орынға түсті.

Мейірім Нұрсұлтанов орта салмақтағы рейтингте британдық Хамза Шираздан кейінгі екінші орында қалды. Бұл дивизиондағы WBC нұсқасы бойынша әлем чемпионы - доминикандық Карлос Адамес.

Садриддин Ахмедов бірінші орташа санат рейтингіне 30-шы нөмірмен енді.

Кіші жартылай орта салмақта Сергей Липинец пен Батыр Жүкембаев бір позициядан айырылып, сәйкесінше 27 және 29-шы орындарға ие болды.

Екінші жеңіл салмақта Сұлтан Зәуірбек екі орын жоғалтып, 32-ші қатарға орналасты.