Айымбетовтің командасы сырт алаңда «Анталяспордан» жеңілді

Футболдан Түркия чемпионатының бесінші туры аясындағы матчта «Анталияспор» өз алаңында «Адана Демирспорды» қабылдады, деп хабарлайды Prosports.kz.

Кездесу Анталияда өтіп, 2:1 есебімен «Анталияспор» жеңіске жетті.

Гол соққандар: С. Ларссон 50, С. Кавразлы 84, Б. Самудио 90+8.

Айта кетейік, «Адана Демирспордың» қазақстандық шабуылшысы Абат Айымбетов бұл матчқа қатысқан жоқ.

Адана Демирспор бес матчтан кейін бір ұпай жинап, турнир кестесінде соңғы, 19-орында тұр. «Анталияспор» жеті ұпаймен сегізінші орында.