Қазақ күресі федерациясы Кубогының жүлде қоры 20 млн теңге

<div style="text-align: justify;"> <strong>3-5 желтоқсан күндері Тараз қаласында Қазақ хандығының 550 жылдығына орай өтетін қазақ күресі федерациясы кубогының жүлде қоры 20 млн теңгені құрайды, деп хабарлайды&nbsp;&laquo;PROСПОРТ&raquo;.</strong></div> <div style="text-align: justify;"> &nbsp;</div> <div style="text-align: justify;"> Бұл туралы бүгін турнирге арналған баспасөз мəслихатында белгілі болды.&nbsp;</div> <div style="text-align: justify;"> Жүлде жеңген командалар арасында қалай үлестіріледі десек, 1 орынға - 10 000 000 теңге, 2 орын - 5 000 000 теңге, 3 орын - 2 000 000 теңге тігіледі. Ал 4 орын үшін 800 000 теңге, 5 орынға - 700 000 теңге, 6 орынға - 600 000 теңге, 7 орын - 500 000 теңге, 8 орын үшін - 400 000 теңге беріледі.</div> <div style="text-align: justify;"> &nbsp;</div> <div style="text-align: justify;"> &laquo;Экономикалық дағдарыс тұсында осындай көлемде жүлде тағайындау қаншалықты дұрыс?&raquo; деген журналистің сұрағына жауап бере отырып, Қазақ күресі федерациясының президенті Арман Шораев мынандай пікірін білдірді: &laquo;Бұл жылына бір рет өтетін республикалық жарыс. Өтініш қабылдау əлі жалғасып жатыр, дегенмен, нақты қатысатын 14 команданың барына қуанып отырмын. Дегенмен қазақ күресі - ұлтымыздың байлығы, ұлттық намыстың қайрағы. Күреске қатысатын əр баланың мінезін қалыптастыратын өнер. Сондықтан 20 млн теңге бір жеке адам үшін үлкен қаржы шығар. Бірақ қазақ күресінің федерациясын, тіпті, қарапайым бір клубты алсақ, ол көп ақша емес. Оның үстіне, 20 млн теңгені сегіз орынға бөліп отырмыз. Мысалы, бірінші орынға 10 млн теңге беріледі. Ал бір команданы дайындау, жарысқа апарып-əкелуге кететін шығын бұл ақшадан да асып кетуі мүмкін. Естеріңізде болса, &laquo;Қазақстан Барысының&raquo; да жүлде қоры қомақты деген сөздер болды. Бірақ қазақ күресіне ден қойған жастардың саны бес жылда төрт есеге артқан. Бізге де керек нəтиже осы&raquo;.</div> <div style="text-align: justify;"> &nbsp;</div> <div style="text-align: justify;"> Баспасөз мəслихатында белгілі болғандай, бұл қаржы мемлекеттен бөлінбеген. 20 млн теңге, яғни, жалпы жүлде қоры демеушілер мен Спорттық жекпе-жек және күш қолданылатын спорт түрлері қауымдастығының көмегімен құралған қаражат.&nbsp;</div> <div style="text-align: justify;"> &nbsp;</div> <div style="text-align: justify;"> Кубокты Қазақстан Республикасы қазақ күресі федерациясы, Жамбыл облысының әкімдігі, &laquo;Спорттық жекпе-жек және күш қолданылатын спорт түрлері қауымдастығы&raquo;, &laquo;Қазақстан Республикасы қазақ күресі федерациясы&raquo;, &laquo;Қазақстан Барысы&raquo; қазақ күресін дамыту қоры ұйымдастырып отыр.</div>