Мигель Котто: «Маған Головкиннің титулдары керек емес»

<div style="text-align: justify;"> <strong>Пуэрторикандық боксшы Мигель Котто Дүниежүзілік бокс кеңесінің (WBC) оны чемпиондық титулдан айыру шешіміне түсініктемесін берді, деп хабарлайды &laquo;PROСПОРТ&raquo;.</strong></div> <div style="text-align: justify;"> &nbsp;</div> <div style="text-align: justify;"> Ол титулдан Сауль Альвареспен жекпе-жегінің алдында міндетті жарна төлеуден бас тартқаны үшін айырылған болатын. Боксшы сондай-ақ Golden Boy промоутерлік компаниясының басшысы Оскар Де Ла Хойяның оның әрекетін &laquo;бокс үшін масқара&raquo; деп атаған сынына да жауап берді.</div> <div style="text-align: justify;"> &nbsp;</div> <div style="text-align: justify;"> &laquo;Оскардан Дүниежүзілік бокс кеңесіне 1,1 миллион доллар төлеуін сұрап, жауабын күтіңіз. 1,1 миллион доллар. Бұл дұрыс па? Жоқ, бұл әділ емес&raquo;, - деп есептейді Котто. Боксшының айтуынша, WBC сұраған соманы төлеуге Геннадий Головкиннің командасына қазақстандық боксшының &laquo;араласпай&raquo;, пуэрторикандыққа 21 қарашада Сауль Альвареспен кездесуге мүмкіндік бергені үшін 800 мың доллар төлеу жағдайы қиындатты.</div> <div style="text-align: justify;"> &nbsp;</div> <div style="text-align: justify;"> &laquo;Біз Головкинға оның араласпағаны үшін төлеуіміз тиіс 800 мың долларды қосқанда, мен оларға тағы 125 мың доллар төлеуге келістім. Мен үшін бұл қомақты сома. Ол (WBC президенті - автор) бұл соманың қомақты емес екенін айтып, &laquo;жоқ&raquo; деп жауап берді&raquo;, - деп түсіндірді Котто.</div> <div style="text-align: justify;"> &nbsp;</div> <div style="text-align: justify;"> &laquo;Маған белдіктер керек емес. Менің үйімде белдіктер жеткілікті, 1,1 миллион долларға өзім қалаған кез келген белдікті сатып ала аламын. Маған титул керек емес&raquo;, - деп атап өтті пуэрторикандық боксшы. &nbsp;</div>