IBF Ресей боксынан санкцияларды алып тастады

Халықаралық бокс федерациясы (IBF) Ресей боксынан санкцияларын алды. Бұл жайында  RCC Boxing Promotions бас директоры Герман Титов айтты, деп хабарлайды Prosports.kz.

Бұл шешім маусым ортасында қабылданған. Санкциялар 2022 жылдың наурызында қабылданған еді. Ұйым сол санкция бойынша Ресейдегі кездесулерді есепке алмаған болатын. Енді санкция алынғаннан кейін рейтингте өзгерістер болып жатыр.

Еске салайық, биыл Бүкіләлемдік бокс қауымдастығы да (WBA) Ресей боксынан санкцияларды алып тастаған еді.