Қазақстандық теннисші Италиядағы турнирдің жартылай финалына шыға алмады

Қазақстандық теннисші Анна Данилина Гайбадағы (Италия) өтіп жатқан «Челленджер» турнирінің жұптық сынында ширек финалдық кездесуін өткізді, деп хабарлайды Prosports.kz.

Қытайлық спортшы Сюй Ифанмен бірге қазақстандық тенисші америкалық Хейли Баптисте – Алисия Паркс жұбынан үш сетте 5:7, 6:4, 6:10 жалпы есебімен жеңіліп қалды.

Кездесу 1 сағат 40 минутқа созылды.

Айта кетейік, 28 жастағы Данилина қазір WTA (Әйелдер теннис қауымдастығы) әлемдік рейтингінде жұптық сайыста 53-орында тұр, бұл қазақстандық теннисшілер арасындағы ең жақсы нәтиже.