Қазақ боксшысы Олимпиадаға іріктеуде жекпе-жек өткізді

Бангкок қаласында (Таиланд) бокстан соңғы лицензиялық турнир жалғасуда, деп хабарлайды Prosports.kz.

Бүгін қазақ боксшысы Мұхаммедсабыр Базарбайұлы төртінші жекпе-жегін өткізді. 63,5 келі салмақ дәрежесінде Куба өкілі Эрисланди Альварестен ұтылып қалды.

Базарбайұлының жеңілгеніне қарамастан, Парижде өтетін Олимпиадаға лицензияны жеңіп алу мүмкіндігі әлі де бар. Ол үшін екі жекпе-жекте жеңіске жету керек.