Олимпиада лицензиялық турнирі: Базарбайұлы үшінші жеңісіне қол жеткізді

Бангкокта (Таиланд) бокстан соңғы лицензиялық турнир жалғасып жатыр, деп хабарлайды Prosports.kz.

Бүгін қазақстандықтар ішінде соңғы болып Мұхаммедсабыр Базарбайұлы рингке шықты. 63,5 келіге дейінгі салмақта сынға түсетін қазақстандық бұл жолы италиялық Джанлуиджи Малангпен кездесті.

1/8 финалда Базарбайұлы төрешілер шешімімен жеңіске жетті.

Осылайша, қазақстандық боксшы Олимпиада ойындарының жолдамасы үшін таласын жалғастырады.