Қазақстанның бірінші ракеткасы Мароккодағы турнирдің жартылай финалына өтті

Қазақстандық теннисші Анна Данилина Рабатта (Марокко) өтіп жатқан турнирде ширек финалдық кездесуін өткізді, деп хабарлайды Prosports.kz.

Қытайлық спортшы Сюй Йифанмен жұп құраған қазақстандық қыз британ-қытай теннисші дуэті Харриет Дарт – Сю Вангты үш сетте 0:6, 6:3, 10:7 жалпы есебімен жеңді. Кездесу бір сағат 13 минутқа созылды.

Айта кетейік, 28 жастағы Данилина қазір WTA (Әйелдер теннисі қауымдастығы) әлемдік рейтингінде жұптық сайыста 51-ші орында тұр, бұл қазақстандық теннисшілер арасындағы ең жақсы нәтиже.