Батыр Жүкембаевтың келесі қарсыласы белгілі болды
Қазақстанның және әлемнің спорт жаңалықтарына жазылыңызҚазақстандық боксшы Батыр Жүкембаев келесі жекпе-жегін АҚШ-та өткізеді, қарсыласы украиналық бокшы Иван Редкач, деп хабарлайды Prosports.kz.
Жекпе-жек 22 мамырда Плант-Ситидегі (Флорида, АҚШ) бокс кеші аясында өтеді.
Жекпе-жек он раундқа жоспарланған.
Айта кетейік, қазақстандық боксшы кейінгі жекпе-жегін өткен жылдың 13 желтоқсанында Американың Плант-Сити қаласында (Флорида) өткізген.
Батырдың қарсыласы франциялық боксшы Мохамед Мимун (23-6, 4 КО) болды, жекпе-жек толық он раундқа созылып, төрешілер шешімімен Жүкембаев жеңіске жеткен болатын.