Оскар Де Ла Хойя: «Головкин мен Альварес міндетті түрде жұдырықтасады»

<p style="text-align: justify;"> <strong>Golden Boy промоутерлік компаниясының президенті Оскар Де Ла Хойя қазақстандық Геннадий Головкин мен мексикалық Сауль &laquo;Канело&raquo; Альварес арасындағы жекпе-жектің міндетті түрде өтетінін мәлім етті.</strong></p> <p style="text-align: justify;"> &laquo;Канело Мигель Коттомен жұдырықтасады, оның әлем чемпионы титулын иемденгісі келеді. Ол орта емес, бірінші орта салмақтың боксшысы. Сонымен қатар, &nbsp;Сауль болашақтағы жекпе-жектері туралы сөз қозғағанды ұнатпайтын адам. Коттомен жекпе-жектен кейін басқалар туралы сөйлесуге болады. Головкинге келетін болсақ, бұл кездесу міндетті түрде болады, - деді Де Ла Хойя. - Альварес Головкинмен кездесуге дайын. Тек ол үшін қазақстандық 155 фунтқа түсу керек&raquo;.</p> <p style="text-align: justify;"> Естеріңізге сала кетейік, Альварес мен Котто жекпе-жегі 21 қарашада өтеді. Бұл жекпе-жекте&nbsp;WBC белбеуі сарапқа салынбақ. Олардың жекпе-жегі аралық салмақ дәрежесінде өтеді.</p> <p style="text-align: justify;"> Айта кетерлік жайт, Геннадий Головкин мен бапкерлері келесі кездесуін 2016 жылдың ақпан айында өткізуді жоспарлап отыр. Сауль Альварес пен Мигель Котто арасындағы жекпе-жектің жеңімпазы отандасымызбен жұдырықтасуы тиіс.</p> <p> &nbsp;</p>