Райан Гарсиа Девин Хейниді нокаутқа түсіруге уәде берді

Америкалық боксшы Райан Гарсия жартылай орта салмақтағы WBC тұжырымы бойынша әлем чемпионы белбеуі үшін өтетін алдағы Девин Хэниге қарсы жекпе-жек туралы пікір білдірді, деп хабарлайды Prosports.kz тілшісі MMA.Metaratings.ru сайтына сілтеме жасап.

Жекпе-жек 20 сәуірде Нью-Йоркте (АҚШ) өтетін бокс кешінде өтеді.

«Мен жеңетінімді білемін. Бұл бірінші раунд қызықты болады. Мен оны тексеремін, содан кейін соққылар жасай бастаймын. 30 секундтан кейін ол нокдаунға түседі. Мен оны екінші раундта нокаутқа жіберемін және бәріміз сауық кешіне барамыз», - деді Гарсия.

25 жастағы Гарсия рингке соңғы рет 2023 жылдың желтоқсан айында шығып, Оскар Дуарте Джурадоды сегізінші раундта нокаутпен жеңген болатын. Боксшыда 24 жеңіс (20-сы нокаутпен) және бір жеңілісі бар.

25 жастағы Хэни кейінгі рет 2023 жылы желтоқсанда Реджис Прогрейске қарсы жекпе-жек өткізген. Бұл жекпе-жекте Девин жеңіске жетті. Оның 31 жеңісі бар (15-нокаутпен).