Танымал қазақстандық боксшының келесі жекпе-жегі қашан өтетіні белгілі болды

Қазақстандық боксшы Тұрсынбай Құлахметтің (6-1, 4 КО) келесі жекпе-жегінің өтетін күні мен орны белгілі болды, деп хабарлайды Prosports.kz.

Беделді BoxRec.com порталының мәліметінше, қазақстандық спортшы 26 сәуірде Хьютон қаласында (Англия) өтетін бокс кешінде өнер көрсетеді. Қарсыласы әзірге белгісіз.

Естеріңізге сала кетейік, 30 жастағы Құлахмет кейінгі жекпе-жегін былтыр 16 желтоқсанда франциялық боксшы Фуад Эль-Массудиге (18-22-1, 2 КО) қарсы өткізген болатын. Сол жекпе-жекте қазақстандық боксшы төрешілер шешіммен жеңіске жеткен еді.