Головкиннің бұрынғы бапкері: «GGG Боратты жеңді»

<p style="text-align: justify;"> <strong>Бокстан Қазақстан жастар құрамасының бапкері, Геннадий Головкиннің бұрынғы жаттықтырушысы Ғалым Кенжебаев қазақстандық кәсіпқой боксшының Лемьеге қарсы кездесуіне өз бағасын берді.</strong></p> <p style="text-align: justify;"> &laquo;Геннадийдің жекпе-жегі өте ұнады, ол өте сауатты жұдырықтасты, - деді Ғалым Кенжебаев. - Головкин бірінші раундтан бастап өте жинақы қимылдады, ара қашықтықты сақтап, қолымен жақсы жұмыс жасады. Жалпы айтқанда жекпе-жек Генаның бақылауында өтті&raquo;.</p> <p style="text-align: justify;"> Сондай-ақ, ол Головкиннің кез келген салмақ дәрежесінде чемпион бола алатынына сенімді екенін айтты. &laquo;Ол техникасы арқылы басқа салмақта да жақсы көтеріле алады&raquo;, - деді Кенжебаев.</p> <p style="text-align: justify;"> &laquo;Бұрын Қазақстан деген атауды естігенде бәрі тек Боратты есіне түсіретін еді. Қазір жейдеде немесе куәлікте &laquo;Қазақстан&raquo; жазуын көргендер тек Головкин туралы сұрайды, - деді ол. - Борат өткен күнде қалды, қазір тек&nbsp;GGG маңызды. Оны бәрі жақсы көреді&raquo;.</p> <p style="text-align: justify;"> &nbsp;</p> <p> &nbsp;</p>