Ангелина Лукас Париж Олимпиадасының іріктеу турниріне қатыспайтын болды
Қазақстанның және әлемнің спорт жаңалықтарына жазылыңызҚазақстандық боксшы Ангелина Лукас 2024 жылы Парижде өтетін Олимпиадада өнер көрсетпейтін болды, деп хабарлайды Prosports.kz тілшісі ҚБФ баспасөз қызметіне сілтеме жасап.
Боксшы 8-10 сәуір аралығында Астанада өтетін іріктеу турниріне қатыспайды.
«Қазақстан бокс федерациясы 8-10 сәуір күндері Астанада өтетін Әлемдік лицензиялық турнирге іріктеу ретінде ұйымдастырылатын спаррингтік кездесулерге қатысу үшін боксшы Ангелина Лукасқа шақырту жіберді.
Алайда Ангелина Лукас кәсіпқой бокстағы соңғы рейтингтік жекпе-жегін 30 наурызда Таиландта өткізгендіктен және 20 сәуірге тағы бір чемпиондық жекпе-жегі жоспарланып тұрғандықтан өткен айқастан кейін тынығып, алдағы жұдырықтасуына дайындалу қажет болады.
Сондықтан, Ангелина Лукас Астанада өтетін іріктеу спаррингтеріне қатыса алмайтындығы белгілі болды.
Өз тарапымыздан боксшыны өткен жекпе-жектегі жеңісімен шын жүректен құттықтаймыз және алдағы айқасына сәттілік тілейміз!», - делінген федерация хабарламасында.