Майк Тайсон қазақстандық теннисшінің ойынын тамашалауға барды (видео)

Бокстан аса ауыр салмақтағы бұрынғы әлем чемпионы Майк Тайсон қазақстандық теннисші Юлия Путинцеваның матчына барды, деп хабарлайды Prosports.kz тілшісі Nur.kz сайтына сілтеме жасап.

Юлия Путинцева Майамидегі (АҚШ) жарыстың жартылай финалында Белорусь өкілі Виктория Азаренкоға қарсы ойнады. Үш сағатқа созылған матчта 6:7, 6:1, 3:6 есебімен Азаренко жеңіске жетті. Бұл ойынды америкалық кәсіпқой боксшы Майк Тайсон да тамашалады.

Imagine telling 'Iron' Mike Tyson he can't go to his seat yet 🤣 pic.twitter.com/YaHRoiyHOY

— Sky Sports Tennis (@SkySportsTennis) March 26, 2024

Айта кетейік, Майамидегі жарыста бақ сынап жатқан Қазақстанның бірінші ракеткасы Елена Рыбакина жартылай финалға шықты. Ол ширек финалда Грекия өкілі Мария Саккариді 7:5, 6:7(4), 6:4 есебімен ұтты. Енді Елена финалға өту үшін Путинцеваны жеңген әлемнің 32-ракеткасы, Беларусь өкілі Виктория Азаренкомен кездеседі.

Еске салайық, Юлия Путинцева Индиан-Уэллсте өтетін турнир алдында ұрыларға тап болғанын айтқан еді.