Фьюри Усикпен болатын жекпе-жек туралы мәлімдеме жасады

WBC тұжырымы бойынша ауыр салмақтағы әлем чемпионы британиялық Тайсон Фьюри WBA, IBF және WBO титулдарының иегері украиналық Александр Усикпен жекпе-жекке дайындықты қалпына келтіру туралы айтты, деп хабарлайды Prosports.kz.

«Менің жағдайым жақсы. Тоғыз аптам қалды, сондықтан тоғыз аптадан кейін дайын екенімді сұрай аласыз. Бірнеше күн бұрын дайындала бастадым», - деді Фьюри ITV Sport арнасына.

Айта кетейік, Усик пен Фьюри арасындағы жекпе-жек 17 ақпанда Эр-Риядта (Сауд Арабиясы) өтуі керек еді, бірақ британиялық үзіліс алып, жекпе-жектен бас тартуға мәжбүр болды. Жекпе-жек 18 мамырға шегерілді. Фьюридің гонорары 100 миллион доллардан асады деп күтілуде.