Қазақстандық теннисші АҚШ-тағы турнирде жеңіліп қалды

Қазақстандық теннисші Михаил Кукушкин Майами (Флорида, АҚШ) турнирінің іріктеу кезеңінен өте алмады, деп хабарлайды Prosports.kz.

Қазақстандық теннисші іріктеудің бірінші кезеңінде франциялық теннисші Теренс Атманмен кездесті. Кездесу екі сетте 4-6, 4-6 есебімен Кукушкиннің жеңілуімен аяқталды.

Майами «Мастерс» турнирі 20-31 наурыз аралығында өтеді. Турнирдің жүлде қоры 8 995 555 доллар. Қазіргі жеңімпаз ресейлік Даниил Медведев.