Елеусінов Boxrec рейтингінде төмендеді

Қазақстандық боксшы Дәурен Елеусінов (11-4-1, 10 КО) ирландиялық Каллум Уолштан (10-0, 8 КО) жеңілгеннен кейін Boxrec.com рейтингінде төмендеді, деп хабарлайды Prosports.kz.

Елеусінов пен Уолш Нью-Йорктегі (АҚШ) бокс кешінде жұдырықтасқан. Ирландиялық боксшы тоғызынша раундта техникалық нокаутпен жеңіп, бірінші орта салмақта WBC Continental Americas титулын еншіледі. Осы жеңілістен кейін Дәурен Елеусінов BoxRec рейтингінде 162-орыннан 192-сатыға түсіп қалды.

Айта кетейік, Каллум Уолш Геннадий Головкиннің бұрынғы промоутері Том Леффлермен жұмыс істейді.