Павлодарлық жас шаңғышылар ел чемпионатында жеңімпаз атанды
Біріншілік Қостанай қаласында өтті. Жалпы саны 200-ден аса спортшы қатысқан.
Спорт мектептері арасында шаңғыдан өткен республикалық чемпионатта павлодарлық жасөспірімдер көптеген жүлделерді жеңіп алды.
«Дарья Рожко түрлі қашықтықта алтын, күміс, қола жүлделерді иеленсе, Елизавета Толмачёва да дәл осындай жетістікті қайталады. Сәбина Сүлейменова өз қатарластары арасында төртінші және бесінші сатыдан көрінді», - деп хабарлады шаңғы спортынан Павлодар облысының бас бапкері Александр Курсаков.
