Александр Бублик Индиан-Уэллстегі турнирді жеңіспен бастады

Бүгін, 9 наурызда Индиан-Уэллс (АҚШ) қаласында өтіп жатқан ATP-1000 турнирінде әлемнің 20-ракеткасы, қазақстандық теннисші Александр Бублик пен қытайлық Цзюнчэн Шан арасында кездесу өтті, деп хабарлайды Prosports.kz.

Кездесу 6:4, 6:1 есебімен Бублик жеңіске жетті.

Кездесу 1 сағат 3 минутқа созылды.

Келесі айналымда Бублик екі сетте жапониялық Таро Даниэльді жеңген австралиялық теннисші, әлемнің 10 ракеткасы Алекс де Минормен кездеседі.