Расул Мирзаев Арман Оспановпен жекпе-жек өткізуден бас тартты

<p style="text-align: justify;"> <strong>Аралас жекпе-жектен (ММА) ресейлік спортшы Расул Мирзаев қазақстандық Арман Оспановпен жекпе-жек өткізуден бас тартты. Бұл туралы Alash Pride клубының президенті Данияр Қасқарауов мәлім етті.</strong></p> <p style="text-align: justify;"> &laquo;Мирзаевтың командасы, дәлірек айтсам, Eurasian Fight Nights компаниясының бас продюсері Камил Гаджиев 10 қазан күні бізге хабарласып, Расул Мирзаев жарақат алғанын және &laquo;Алтын Орда&raquo; турниріне қатыса алмайтынын айтты. Шынымды айтсам, біз біраз уақыттан бері осылай боларын сезіп жүргенбіз. Дегенмен, біз Камил Гаджиевтің уәдесіне сеніп, Мирзаевты турнирге қатысады деп жүрдік&raquo;, - дейді Д.Қасқарауов.</p> <p style="text-align: justify;"> Естеріңізге саламыз, аралас жекпе-жектен &laquo;Алтын Орда&raquo; халықаралық турнирі 17 қазан күні Алматыда өтеді. Турнирде Alash Pride клубының мықты спортшылары &ndash; Арман Оспанов, Қайрат Ахметов, Ержан Естанов, Әділ Боранбаев, Евгений Егембердиев, Ерлан Тілеуімбетов, Махир Мамедов, Темірлан Айсаділов сынға түседі. Арман Оспановтың қарсыласының есімі таяу күндері белгілі болады.</p> <p style="text-align: justify;"> BNews.kz сайтынан</p>