«Ақжайық» пен «Шахтердің» бұрынғы ойыншысы «Ұлытауға» ауысты

Тәжірибелі қазақстандық қорғаушы Мирам Сапанов мансабын Жезқазғанның «Ұлытауында» жалғастырады, деп хабарлайды Prosports.kz сайты Meta-ratings.kz сайтына сілтеме жасап.

Сапанов мансабын 20 жыл бұрын «Ақжайық» клубында бастады, онда ол 14 маусым өткізіп, матчтар бойынша клуб рекордсмендерінің қатарына кірді.

Мирам «Ордабасы», «Қайсар», «Каспий», «Қыран», «Жетісу», «Шахтер» сынды клубтарда да өнер көрсетті.

Естеріңізге сала кетейік, өткен жылы Жезқазғанның «Ұлытауы» қайта жанданып, бірінші жылы екінші лиганың алтын жүлдесін жеңіп алған болатын.