Серікжан Мужиков «Тобылдан» кетті

«Тобылдың» жартылай қорғаушысы Серікжан Мужиков қостанайлық клубтан кетті, деп хабарлайды Prosports.kz.

Ойыншы «Тобыл» сапында алғашқы ойынын 2020 жылдың 7 наурызында «Шахтерге» қарсы ойында (3:1) өткізді. Мужиков «Тобыл» формасында барлығы 94 кездесу өткізіп, 12 гол соққан. Сары-жасылдармен бірге Серікжан Қазақстан чемпионатын жеңіп, Қазақстан Республикасы Суперкубогы мен Кубогының иегері атанды.