ҚКФЛ қысқы кубогының алғашқы финалисі анықталды

Түркияның Анталия қаласында өтіп жатқан ҚКФЛ қысқы кубогының бірінші жартылай финалдық ойыны өтті, деп хабарлайды Prosports.kz. 

Алаңда шымкенттік «Ордабасы» мен семейлік «Елімай» кездесті. Кездесу 4:0 есебімен шымкенттік команданың пайдасына аяқталды. «Ордабасы» сапында Сергей Малый, Асхат Тағыберген, Владислав Васильев және Всеволод Садовский голдың авторы атанды.

Осылайша, «Ордабасы» турнирдің алғашқы финалисті атанды. Бүгін сағат 20:00-де «Тобыл» мен «Ақтөбе» комаедалары арасында екінші жартылай финалдық матч өтеді.