«Елімай» Қазақстан құрамасының бұрынғы қорғаушысымен келісімшарт жасасты

Семейлік «Елімай» қазақстандық қорғаушы Дмитрий Шомкомен келісімшарт жасасқанын ресми мәлімдеме жариялады, деп хабарлайды Prosports.kz клубтың баспасөз қызметіне сілтеме жасап.

«33-жасар қорғаушы Екібастұз футболының түлегі. Ол мансабын туған қаласының «Батыр» және «Екібастұз» клубтарында бастады. Сондай-ақ, «Ертіс», «Астана», волгоградтық «Ротор» және «Ақтөбе» клубтарында өнер көрсетті. Ойыншы еурокубоктерде 68 ойында 8 гол және 8 нәтижелі пас берді. Дмитрий Қазақстанның 6-дүркін чемпионы, Қазақстан Кубогінің иегері және 5-дүркін Суперкубок жеңімпазы. Тәжірибелі қорғаушы ұлттық құрама сапында 48 ойын өткізіп, 2 голдың авторы атанды», - делінген клуб хабарламасында.