Константин Цзю боксқа келуіне себепкер болған қазақстандық боксшының есімін айтты

<span>Ресейлік атақты спортшы Константин Цзю боксқа келуіне себепкер болған қазақты атады, деп хабарлайды Prosports.kz тілшісі Nur.kz сайтына сілтеме жасап. </span>

<span>Константиннің анасы қазақстандық боксшы Серік Қонақбаевтың жекпе-жектерін теледидардан көріп, ұлын боксқа беруді шешкен екен. </span>

<span>«Ата-анамның мені боксқа беруіне себеп болған адамды атайын. Ол – Серік Қонақбаев. Серік –біздің қазақстандық боксшы. Анам сол кісіге қарап, менің былғары қолғап шебері болғанымды қалады», – деді Константин Цзю. </span>

<span>Серік Қонақбаев – КСРО халықтар спартакиадасының және КСРО чемпионатының күміс жүлдегері, екі мәрте Еуропа чемпионы, әлем кубогінің иегері, Мәскеуде өткен 22-Олимпиада ойындарының күміс медаль иегері, әлем чемпионатының күміс жүлдегері, КСРО чемпионы. </span>

<span>Ол 1981 жылы әлемнiң ең үздiк боксшысы деген атақты иеленген. Ал Костя Цзю – әйгілі ресейлік және аустралиялық боксшы, әлемнің бұрынғы абсолютті чемпионы (WBC/WBA/IBF нұсқалары бойынша), бокстан беделді чемпионаттардың бірнеше дүркін жеңімпазы, КСРО-ның еңбек сіңірген спорт шебері (1991).</span>