Жүзуден әлем чемпионаты: төртінші жарыс күні қандай нәтиже тіркелді

Катар астанасы Дохада су спорты түрлерінен әлем чемпионаты жалғасуда, деп жазады Olympic.kz.

Жүзуден төртінші жарыс күнінде қазақстандықтар үш дисциплина бойынша сынға түсті. 

50 метрге шалқалап жүзуде Ксения Игнатова 30-орында қалды.

Азиаданың қола жүлдегері Әділбек Мусин 100 метрге еркін әдіспен жүзуден 31-орында тұрақтады.

Аралас командалық эстафетада Қазақстан 17-орынға жайғасты. 

Бұл сында ел намысын Ксения Игнатова, Әрсен Қожахметов, Софья Сподаренко, Әділбек Мусин қорғады.