Бейбіт Ыстыбаев «Еуразия барысының» қосалқы құрамында қалды

<p style="text-align: justify;"> <strong>Қазанның 9-шы жұлдызында Таразда қазақ күресінен &laquo;Еуразия барысы&raquo; халықаралық турнирі бастау алады. Үшінші рет өткелі отырған дода бұл Қазақ хандығының 550 жылдық мерейтойына орайластырылып отыр,</strong><strong>&nbsp;деп хабарлайды </strong><strong><a href="http://prosportkz.kz/">&laquo;</a></strong><a href="http://prosportkz.kz"><strong>PROСПОРТ&raquo;.</strong></a></p> <p style="text-align: justify;"> Турнир &laquo;Тараз-Арена&raquo; спорт сарайында сағат 11:00-де басталады. Аталмыш &nbsp;сайысқа 8 мемлекеттен 56 спортшы қатысады деп күтілуде. Белдесулер 55, 66, 74, 82, 90, - 100, +100 келі салмақ дәрежелері бойынша өтпек. Бұл жолғы додада Грузия, Қырғызстан, Польша, Ресей, Өзбекстан, Түркия, Моңғолия және Қазақстан құрамаларының балуандары командалық құрамда белдеседі.&nbsp;</p> <p style="text-align: justify;"> 2013 жылғы &laquo;Еуразия барысында&raquo; қазақ балуандары финалда моңғолдарды жеңіп, жеңіс тұғырынан көрінген болатын. Ал өткен жылы&nbsp; Балуан Шолақтың (Нұрмағамбет Баймырзаұлы) 150 жылдық мерейтойына&nbsp;арналып өткізілген додада моңғол балуандары финалда Қазақстан құрамасын жеңіп, бір жыл бұрын кеткен есесін қайтарды. Биыл да &laquo;Еуразия барысының&raquo; басты фавориттері ретінде моңғолдар мен қазақтар саналып отыр.</p>