Қазақстан бокс федерациясының вице-президенті лицензиялық турнирлерге қатысты пікір білдірді

<span>Бокстан Қазақстан ерлер командасы Париждегі Олимпиада ойындарына бір жолдама жеңіп алды. Жазғы Азия ойындарында Қамшыбек Қоңқабаевқа ғана лицензия бұйырды. Осы орайда, Қазақстан бокс федерациясының вице-президенті Азиз Қожамбетов лицензиялық турнирлерге қатысты пікір білдірді, деп жазады Olympic.kz.</span>

<span>«Боксшылардың алдында екі маңызды бәсеке тұр. Әлемдік лицензиялық турнирлер Италияның Милан және Таиландтың Бангкок қаласында өтеді.</span>

<span>Біздің спортшылар бар күшін салатыны анық. Лицензия аламыз, бірақ оңай болмайды.</span>

<span>Азия аймақтық лицензиялық турнирі өткізілмейді. Себебі, Азия ойындары осы жарыс есебінде жолдама таратқан болатын. Боксшыларымыз қазіргі таңда "Чемпиондар түні" турниріне қатысып, шеберліктерін шыңдайды. </span>

<span>Маусымаралық үзіліс кезінде бұл өте қажет жарыс», - деді Қожамбетов. </span>

<span>Айта кетелік, «Чемпиондар түні» турниріне қазақстандық әлем чемпиондары мен Олимпиада чемпионы Данияр Елеусінов қатысады.</span>