Надальдың кортқа қашан оралатыны белгілі болды

Испаниялық теннисші, «Үлкен дулыға» турнирінің 22 дүркін жеңімпазы Рафаэль Надаль тенниске қайта оралатынын ресми түрде мәлімдеді, деп хабарлайды Prosports.kz.

«Бір жыл өнер көрсетпегеннен кейін, менің ойымша, қазір спортқа оралудың дұрыс уақыты. «Мен маусымның бірінші аптасында Брисбенге қайтамын», - деді теннисші өзінің әлеуметтік желілерінде.

Айта кетейік, Надаль биылғы жылдың қаңтарында 2023 жылғы Australian Open турнирінің екінші раундында тізесінен ауыр жарақат алып, бір жылға жуық уақыт бойы кортқа шықпады.