Беларусьтегі Гран-при жарысында Қазақстан екі медаль жеңіп алды

Минскіде (Беларусь) үш дүркін Олимпиада чемпионы Александр Медведті еске алуға арналған күрестен Гран-при турнирі аяқталды. Жарысқа Қазақстан спортшылары қатысты, деп хабарлайды Prosports.kz сайты.

Әйелдер күресінен Қазақстан құрамасының екі өкілі жеңіс тұғырының үшінші сатысына көтерілді.

Ирина Казюлина 65 келіге дейінгі салмақта үшінші болды. Сондай-ақ 76 келі салмақ дәрежесінде өнер көрсеткен Эльмира Сыздықова үшінші орынға табан тіреді.