Зарина Диас WTA рейтингісінде екі саты жоғары көтерілді

<p style="text-align: justify;"> <strong>Бүгін Әйелдер теннисі қауымдастығы (WTA) кезекті жаңартылған рейтингін жариялады. Онда отандасымыз, Қазақстанның бірінші ракеткасы Зарина Диас екі саты жоғары өрлеп, 41-орынға табан тіреген.&nbsp;</strong></p> <p style="text-align: justify;"> Бүгінде 21 жастағы қазақ қызының еншісінде 1 265 ұпай бар. Бұл көрсеткішімен Зарина Азияның бірінші раткеткасы деген атағын сақтап қалды. Мұндай нәтижеге ол 24 тамыздағы рейтинг бойынша қол жеткізген еді.&nbsp;</p> <p style="text-align: justify;"> Зарина Диас соңғы рет өткен аптада Токиодағы WTA турнирінде бақ сынады. Алайда жерлесіміз аталған сайыста екінші айналымнан аса алмады. Теннисшінің жолына поляк Магда Линетт тосқауыл болды.&nbsp;</p> <p style="text-align: justify;"> WTA тізіміндегі алғашқы жүздікте тағы екі отандасымыз бар. Олар Юлия Путинцева мен Ярослава Шведова. Жаңа тізімде Юлия үш саты төмен сырғып 78-орынға жайғасса (765 ұпай), бір орын кейін жылжыған Слава әлемнің 89-ракеткасы атанып отыр. Оның еншісінде 677 ұпай бар.&nbsp;</p> <p style="text-align: justify;"> Ал әйелдер арасындағы әлемнің ең үздік теннисшісі &ndash; америкалық Серена Уильямс. Бүгінде 11 501 ұпайы бар ол жеке-дара көш бастап келеді. Одан кейінгі орынға 6 780 ұпаймен румын қызы Симона Халеп орналасқан. Үздік үштікті ресейлік Мария Шарапова түйіндеп тұр (5 795 ұпай).</p> <p style="text-align: justify;"> &nbsp;</p> <p style="text-align: justify;"> BNews.kz сайтынан</p>