Ермек Маржықпаев: Сіздер бүкіл қазақ халқына естен кетпес ерекше әсер сыйладыңыздар

Әуежайда футболшыларды туған-туыстары, достарымен бірге туризм және спорт министрі Ермек Маржықпаев қарсы алды, деп жазды ҚР Туризм және спорт министрлігінің Telegram арнасы.

"Сіздер бүкіл қазақ халқына, тіпті футболдан, жалпы спорттан алыс жандарға естен кетпес ерекше әсер, эмоция сыйладыңыздар. Өз ойындарыңыз арқылы жанкүйерлердің отандық футболға деген сенімін қайтарып, еліміздің халықаралық аренадағы имиджін көтердіңіздер. Кеше түнде бүкіл ел ұйықтамай, сіздер үшін теледидар алдында тақым қысып, жанкүйер болды. Сіздер бұл додада үлкен ерлік жасап, қазақ халқын бір мақсат аясына ұйыстыра алдыңыздар. Бұл ерліктеріңіз көпке үлгі, мыңдаған жас бала сіздер сияқты болуды, болашақта ұлттық құрама сапында ойнауды армандайды. Қазақ халқына үлкен қуаныш сыйлағандарыңызға көп рахмет, жігіттер!".Ермек Маржықпаев