Берік Әбдірахманов АРВ финалында өзбек боксшысынан жеңіліп қалды

<p style="text-align: justify;"> <strong>Қазақстандық боксшы Берік Әбдірахманов АРВ жобасының финалында өзбек боксшысы Хуршид Тожибаевтан жеңіліп қалды. Ташкентте өткен жекпе-жекте төрешілер шаршы алаң иесін жеңімпаз ретінде таныды.</strong></p> <p style="text-align: justify;"> 60 келіге дейінгі салмақта Берік Әбдірахманов қаңтар айында Астанада өзбек боксшысын ұтып, Рио Олимпиадасы жолдамасына ие болып үлгерген еді. Алайда финалда Хуршид Тожибаев өз есесін қайтарды. Төрешілер 3:0 (112-107, 109-100, 112-107) нәтижесімен жеңісті шаршы алаң иесіне берді. Нәтижесінде өзбек боксшысы 60 келіге дейінгі салмақта АРВ чемпиондық белбеуін иеленді.</p> <p style="text-align: justify;"> Айта кетейік, осыған дейін АРВ финалында 49 келіге дейінгі салмақта Біржан Жақыпов қытайлық Лю Биннен жеңіліп қалған еді.&nbsp;</p> <p style="text-align: justify;"> &nbsp;</p> <p style="text-align: justify;"> Массагет.кз сайтынан</p> <div> &nbsp;</div>