Қазақстан әлем чемпионатындағы сәтсіздігіне қарамастан рейтингте топ-10 тізімге енді

Теннистен Қазақстан әйелдер құрамасы жаңартылған рейтингтегі орнын білді, деп хабарлайды Prosports.kz. 

Севильяда (Испания) өткен Билли Джин Кинг кубогынан кейін қазақстандықтар 9-орында тұр. Айта кетейік, Қазақстан құрамасының ең жоғарғы орны 7-саты болған еді.

Рейтингте алғаш рет Канада құрамасы көш бастады. Олар әлем чемпионатының финалында Италияны жеңген болатын. Екінші орынды Аустралия, үшінші орында Швейцария еншіледі.