Ресей туынан бас тартқан әлем чемпионы Биволмен бокстасуға дайын екенін айтты

Жартылай ауыр салмақтағы ресейлік боксшы (79,4 келіге дейін) Артур Бетербиев Дмитрий Биволға қарсы жекпе-жек өткізу мүмкін екенін айтты, деп хабарлайды Prosports.kz.

«Егер ол дайын болса, мен де дайынмын. Оны көрсеңіз сұраңыз. Әрине, егер біз [атақтарды] біріктіру үшін жұдырықтаса алсақ жақсы.

Жарақатым жақсарып келеді. Енді қайталанбайды деп үміттенемін. Бұл менің қателігім болды, форс-мажор! Ол [Бивол] жақсы боксшы, тәжірибесі мол. Жекпе-жек өткізсек көретін боламыз», - деді Бетербиев Probox TV арнасына берген сұхбатында.

Айта кетейік, Бивол да, Бетербиев те кәсіпқой аренада жеңілмеген. Бетербиев IBF, WBC және WBO титулдарының иегері. Ал Бивол жартылай ауыр салмақтағы WBA чемпионы.