Давид Лемье Головкиннің екі суретімен жұдырықтасып жүр

<p style="text-align: justify;"> <strong>Канадалық кәсіпқой боксшы, IBF тұжырымы бойынша әлем чемпионы Давид Лемье орта салмақта WBA (Super) және WBC (Interim) тұжырымдары бойынша әлем чемпионы Геннадий Головкинді мұқатудан жалығар емес.</strong></p> <p style="text-align: justify;"> Бұл жолы Лемье өзінің болашақ қарсыласының портретін боксшылардың жаттығу қолғабына жабыстырып, оны Instagram әлеуметтік желісіне орналастырды. Бұған &laquo;Біз дайын боламыз&raquo; деген пікірін де жазыпты.&nbsp;</p> <p style="text-align: justify;"> Еске сала кетейік, дәл осындай тәжірибені Головкиннің бұрынғы қарсыласы Мартин Мюррей де байқап көрген болатын. Дегенмен ол қазақстандық боксшыдан уақытынан бұрын жеңілді.</p> <p style="text-align: justify;"> Давид Лемье мен Геннадий Головкин 17 қазанда Нью-Йорктегі Madison Square Garden аренасына жұдырықтасады. Бәске WBA (Super), IBO, WBC (Interim) және IBF чемпиондық белбеулері тігіледі. Сонымен бірге, бұл екі боксшының да PPV-дағы (ақылы трансляция жүйесі) бірінші кездесуі болмақ. Кездесуді &laquo;Қазақстан&raquo; телеарнасынан тікелей эфирде көруге болады.</p>