Қазақстан Пара Азия ойындарында бесінші алтын медаль жеңіп алды

Бүгін Ханчжоу қаласында (Қытай) өтіп жатқан Азия Пара ойындарында жүзушілер бақ сынасты, деп хабарлайды Prosports.kz.

100 м қашықтыққа брасс әдісімен жүзу бойынша SB13 финалында Қазақстан құрамасының өкілдері екі медаль жеңіп алды.

«Алтынды» қашықтықты 1:05,92 нәтижемен бағындырған Нұрдәулет Жұмағали жеңіп алды. Нұрәлі Советқанов 1:11,72 нәтижемен үшінші болды.

Өзбекстандық Фирдавсбек Мұсабеков күміске қол жеткізді.