Қазақстандық файтер - титулды жекпе-жегі туралы айтты

Қазақстандық ММА файтері Дәурен Ермеков Мәскеуде АМС Fight Nights чемпионы уақытша атағы үшін ресейлік Дмитрий Арышевке қарсы жекпе-жекке дайындалуда, деп хабарлайды Prosports.kz.

«10 қарашада Мәскеуде Дмитрий Арышевпен уақытша AMC Fight Nights титулы үшін кездесемін. Біз Камиль Гаджиевпен шарттарды келістік. Қазір Шешенстанда дайындалып жатырмын. Жекпе-жекке екі апта қалғанда үйге барамын. Сол жерден Мәскеуге ұшамын», - деді Ермеков.

Ермеков (19-5) Naiza FC және Ural FC  лигаларының чемпиондық белбеулерінің иегері.

Егер ол Арышевты жеңетін болса, 2020 жылдың қыркүйегінде жеңілген AMC Fight Nights чемпионы Владимир Минеевпен (16-1-1) реванш өткізе алады.