Әлімханұлы «Канеломен» жекпе-жек өткізуі мүмкін

Ресейлік «неКАРАтэ» Youtube-арнасы қазақстандық боксшы Жәнібек Әлімханұлы (15-0, 10 КО) жақын арада мексикалық жұлдыз Сауль «Канело» Альвареспен (60-2-2, 39 КО) жұдырықтасуы мүмкін екенін айтты, деп жазады Prosports.kz. 

- Қазақстаннан тағы бір белбеу біріктірген чемпион шықты — «Qazaq Style». Әрі қарай не болады? Көреміз. Мүмкін Чарло. Тіпті Альваресті де «қазақ стилі» қызықтыратын шығар. Өйткені Головкинмен трилогия жасады — мүмкін ол Әлімханұлына да назар аударатын шығар, — дейді арна авторы.

Айта кетейік, Жәнібек Әлімханұлы WBO және IBF нұсқалары бойынша орта салмақтағы әлем чемпионы атанды.