Андрей Голубев Словакиядағы жарыстың финалында жеңіліп қалды

Жарыстың 3-ракеткасы болып тіркелген А.Голубев украиналық Денис Молчановпен бірге финалда үндістандық Шрирамбалай Нараянасвами – германиялық Андре Бегеманмен бас жүлдені сарапқа салды.

Бірінші партияда үндістандық-германиялық жұп 6:3 есебімен басымдылық танытты. Олар екінші сетте де алға кеткенімен, А.Голубев пен Д.Молчанов есе қайтара алды – 7:5.

Супер тай-брейкте үндістандық-германиялық дуэт жеңісті жұлып алды – 10:8.

Сағат жарымнан астам уақытқа созылған бәсеке барысында А.Голубев – Д.Молчанов 6 брейк-пойнттың екеуін пайдаланды. Қарсыластары 1 эйс, 2 брейкпен (6 брейк-пойнт) көзге түсті.