Қазақстанның екінші ракеткасы ресейлік теннисшімен кездесуді жалғастырудан бас тартты

Қазақстандық теннисші Юлия Путинцева Гонконгта өтіп жатқан WTA 250 сериясы турнирінде алғашқы кездесуін өткізді, деп хабарлайды Prosports.kz.

Оның бірінші айналымдағы қарсыласы Ресей өкілі Анна Блинкова (WTA рейтингінде 37-орын) болды.

Кездесу үшінші сеттің ортасында аяқталды (6:4, 2:6, 1:5). Қазақстанның екінші ракеткасы ойынды аяқтаудан бас тартты. Мұндай шешім қабылдауға Юлияның жарақаты себеп болған.