Клубтың қазіргі президенті кеткеннен кейін «Астананы» кім басқаратыны белгілі болды

«Астана» Футбол клубының экс-президенті Саян Хамитжанов қайтадан клубта жетекшілік қызметке кіріседі, деп хабарлайды Prosports.kz сайты Meta-ratings.kz-ке сілтеме жасап.

Елордалық клубтың қазіргі басшысы Арслан Беспаев ертеңнен бастап «Астананың» басшысы қызметінен ресми түрде кетеді.

Дереккөздің айтуынша, Саян Хамитжанов бұған дейін елордалық клубта бас директордың кеңесшісі болып жұмыс істеген. Ол клубты басқарған кезде «Астана» бірнеше рет Қазақстан чемпионы атанып, еурокубок турнирлерінің топтық кезеңіне шығып, УЕФА Еуропа лигасының плей-офф кезеңіне өткен.