«Бавария» Чемпиондар лигасының рекордын орнатты

«Бавария» УЕФА Чемпиондар лигасының топтық кезеңінің екінші турында «Копенгагенді» қабылдап, 2:1 есебімен басым түсті, деп хабарлайды Prosports.kz.

Даниялықтардың жалғыз голын жартылай қорғаушы Лукас Лерагер соқты, «Бавария» сапында жартылай қорғаушы Джамал Мусиала мен шабуылшы Матис Тель мергендік танытты.

Осылайша, мюнхендік клуб Еуропаның негізгі клубтық турнирінің топтық кезеңінде 36 матчта жеңілген жоқ, бұл жарыс рекорды.