Азия ойындарында жеңіске жете алмаған кореялық теннисші әскерге барады

Әлемнің 112-ракеткасы Сун-Ву Квон Азия ойындарының екінші айналымында Касидит Самрейден (№636) жеңіліп қалды (3:6, 7:5, 4:6), деп хабарлайды Prosports.kz.

Кездесуден кейін оңтүстіккореялық ракетканы корт пен орындыққа қайта-қайта соғып, сындырып тастады. Ол төрешімен де, қарсыласымен де қол алысқан жоқ.

Енді кәріс 18 айлық міндетті әскери қызметке барады. Әскерден босату үшін Азия ойындарында алтын алуы керек еді.