Азиада-2022: теннистен қазақстандық дуэт турнирден ұшты, ал әйелдер жұбы келесі кезеңде

Қытайдың Ханчжоу қаласында жазғы Азия ойындары жалғасып жатыр, деп хабарлайды Prosports.kz. 

Қазақстандық теннисшілер Григорий Ломакин мен Дмитрий Попко екінші айналымда оңтүстіккореялық дуэттен жеңіліп қалды – 3:6, 7:5, 7:10.

Айта кетейік, қазақстандық спортшылар Гозал Айнитдинова мен Жібек Құламбаева жұптық сында 1/8 финалға жолдама алды.

Бірінші айналымдағы кездесуде спортшылар Катар теннисшілерін 6:0, 6:0 есебімен жеңген болатын.